Raporti fiskal për gjashtëmujorin e parë për vitin 2008

Ministria e Ekonomise dhe Financave publikonen raportin fiskal gjashte mujore mbi te hyrat dhe shpenzimet.
Në raportin e pergatitur nga departamenti i Thesarit per gjashtëmujorine pare te vitit fiskal 2008 rezulton se të hyrat e grumbulluara janë  408.26 milionë euro dhe 47.4% të planit vjetor ndersa krahasuar me periudhen e njejt të vitit të kaluar kemi rritje për 10%  që do të thotë se kemi një performancë të mirë ne  grumbullimin e të hyrave. 
Pjesa më e madhe e të hyrave buxhetore janë mbledhur në kufi, këto të hyra arrijne  shumë prej 262.35 milionë euro apo 46.8% te planit vjetor për këtë kategori ndersa krahasuar me periudhen e njejt të vitit të kaluar kemi rritje prej 11%.

Të hyrat nga  Administrata Tatimore janë 95.24 milionë euro apo 46.6% e planit vjetor për këtë kategori ndersa krahasuar me periudhen e njejt të vitit të kaluar kemi rritje prej 12%.Gjatë kësaj periudhe kthime tatimore kanë qenë  0.45 milonë euro  nga Dogana dhe 11.98 milion euro nga ATK-ja.Të hyrat jo tatimore janë 30.37 milionë euro qe paraqet 56.3%  të planit buxhetor për këtë kategori, në kuadër të kësaj kategorie bëjnë pjesë edhe të hyrat nga gjobat qe mblidhen nga Sherbimi Policor i Kosoves pastaj bëhet alokimi për  komunat ku janë shqipëtuar denimet ndersa krahasuar me periudhen e njejt të vitit të kaluar kemi rritje prej 5%.

Të hyrat vetanake të nivelit qendror janë 15.54 milionë euro apo 60.5% te planit vjetor për këtë kategori ndersa krahasuar me periudhen e njejt të vitit të kaluar kemi rritje prej 27%

Të hyrat vetanake komunale janë 17.19 milionë euro  dhe paraqesin 56.7% te planit vjetor për këtë kategori të të hyrave ndersa krahasuar me periudhen e njejt të vitit të kaluar kemi rritje prej 27%.

Krahas te hyrave buxhetore Departamenti i Thesarit ne raporte paraqet edhe shpenzimet sipas kategorive buxhetire.

Ndarjet buxhetore janë në shumen 1,045.88 milionë euro dhe nga kjo ndarje gjatë periudhës gjashtëmujore janë shpenzuar 326.72 milionë euro, që paraqet  31.2% të ndarjeve të tërësishme vjetore, që është nën nivel të planit buxhetor.

Dihet se rregullorja e buxhetit për vitin 2008 është aprovuar në muajin Mars 2008 prandaj  nuk ka pasur alokime për kategorin investimet kapitale.