Komunikatë për Media

 Takimi i 42-të i Këshillit Ekonomik Fiskal

Prishtinë 

Sot u mbajt mbledhja e Këshillit Ekonomiko – Fiskal (KEF). Këshilli, kwsaj radhe, u kryesua nga Ministri i Ekonomisë dhe Financave z. Ahmet Shala  dhe nga zëvendës përfaqësuesi i PSSP-së z. Paul Acda.

KEF-i mbështeti Buxhetin për vitin 2008, dhe njëherit e falënderoi Komisionin për Buxhet për punën e tij të mirë e të shpejtë, punë e cila ka mundësuar finalizimin me kohë të buxhetit.

Këshilli gjithashtu mbështeti rritjen e subvencioneve në vlerë prej 2.8 milion euro, për importet e energjisë elektrike, gjatë festimeve me rastin e shpalljes së Pavarësisë së Kosovës. KEF-i mbështeti edhe alokimin e 500,000 Eurove për ri-instalimin e  kamerave në dy pikat doganore në veri të të Kosovës,  të cilat u dëmtuan gjate trazirave te fundit;  për t’i mundësuar kështu Shërbimit Doganor dhe institucioneve të tjera të sigurisë  monitorim të plotë të trafikut të njerëzve dhe mallrave në këto dy vendkalime kufitare.

Buxheti 2008 do të shpallet së shpejti dhe hyn në fuqi më 1 mars 2008.