Komunikatë për Media

Prishtinë/ 15.01.2008

Në vazhdën e takimeve zyrtare  më përfaqësues të ndryshëm të Zyrave Ndërkombëtare në Kosovë ,Ministri i Ekonomisë dhe Financave z. Ahmet Shala  ka pritur në vizitë Shefin e Zyrës Ndërlidhëse të Komisionit Evropian z.Renzo Davidi.

Në këtë takim u diskutua për bashkëpunimin në mes Ministrisë për Ekonomi dhe Financa dhe Komisionit Evropian.

“ Takimet që kemi pasur  deri më tani me përfaqësuesit e zyrave diplomatike në Kosovë , tregojnë për një gatishmëri dhe me një mesazh të qartë se Bashkësia Ndërkombëtare është e gatshme të na ndihmoj. Por, gjithashtu edhe ne jemi të gatshëm që në koordinim me Bashkësinë ndërkombëtare ti përgatisim shumë programe që do ta ndihmojnë zhvillimin ekonomik të Kosovës.”

 Në këtë takim u bisedua edhe për qëndrueshmërinë fiskale të Kosovës,përgatitjen e Konferencës për Donatorëve dhe tema tjera që kanë të bëjnë me elementet sektoriale të zhvillimeve ekonomike dhe proceseve të cilat janë duke ndodhur në Kosovë para dhe pas statusit të Kosovës “ u shpreh Ministri Shala gjatë këtij takimi.

Ndërsa Shefi i Zyrës ndërlidhëse të Komisionit Evropian z. Renzo Davidi tha se” Pres bashkëpunim të vazhdueshëm  me  Ministrin Shala . Mendoj se zhvillimi ekonomik i Kosovës është një ndër prioritetet kryesore dhe është me rëndësi që  të rritet pronësia e autoriteteve vendore në sektorët e zhvillimit ekonomik .Çështjet që i përmendi Ministri Shala janë shumë me rëndësi . Ne dëshirojmë që të përmirësohet standardi i jetesës së popullatës   pas statusit të Kosovës  . Dhe sigurisht që e kemi edhe përkrahjen e donatoreve,të Bashkimit Evropian dhe Komisionit Evropian që ta ndihmojnë  këtë proces. Ne shpresojmë që pas statusit të Kosovës do të jemi në gjendje  të organizojmë Konferencën e Donatorëve për të ndihmuar zhvillimin ekonomik të Kosovës. Dhe të njëjtën kohë mendojnë që mund të mobilizohen edhe resurset e brendshme ,pra p.sh të përfundohet procesi i privatizimit dhe resurset që janë në dispozicion të ekonomisë të përdoren në kuptim të zgjidhjeve që i kemi”.

Në fund të takimit z. Davidi shprehi bindjen se Ministri Shala  do ti prijë këtij procesi më shumë përgjegjësi.