Komunikatë për media      

 Ministri i Ekonomisë dhe Financave, z. Ahmet Shala takoi shefin e USAID-it, z.Michael Farbman 

Prishtinë/ 11.01.2008

Ministri i Ekonomisë dhe Financave z. Ahmet Shala në ditën e parë të punës, ka pritur në vizitë përuruese delegacioinin Agjencionit për Zhvillim Ndërkombëtarë të Shteteve të Bashkuara të Amerikës (USAID) në Kosovë, të kryesuar nga z. Michael Farbman, Drejtor i Misionit.

Gjatë këtij takimi Ministri Shala, falenderoj z. Farbnam dhe ekipin e Tij për mbështetjen dhe ndihmen e fuqishme që populli amerikan ka dhënë deri më tani për ndërtimin e insitucioneve të Kosovës e në veçanti për Ministrinë e Ekonomisë dhe Financave. Ai kërkoi nga z. Farban që këtë mbështetje ta forcojnë, sidomos në këto momente vendimtare për të ardhmen e Kosovës.

Ndrësa, z.Farbman pas urimit që i bëri Ministrit Shala dhe zv.Ministrit z.Bedri Hamza për marrjen e posteve në krye të kësaj Ministrie, Ju premtoj për mbështetje të mëtutjeshme në ngritjen dhe përmirësimin e kapaciteteteve dhe politikave ekonomike që kërkohen nga kjo Ministri.

“Mendoj se, jo vetëm gjatë kohës së tranzicionit, por edhe në periudhën pas statusit do të ketë mjaft hapësirë për zhvillime të reja në ekonominë e Kosovës. Qëllimi i vizitës sime, ndërkaq është që ta siguroj edhe ekipin e ri, por edhe atë të vjetrin, se USAID-i dhe Qeveria amerikane do të vazhdojnë të mbështesin ndërtimin e kapaciteteve në këtë ministri, e cila është një ndër më të rëndësishmet”, tha z. Farban.

Ndërkohë, Ministri Shala lavdëroi stafin e MEF-it, dhe shtoi  se  e ka gjetur këtë Ministri si një institucion të ndërtuar në mënyrën më moderne dhe të gatshme për momentet e reja. Këtë duke iu falënderuar miqëve tanë, donatorëve tjerë të rëndësishëm ndërkombëtar, dhe në veçanti USAID-i, si dhe i nje vullneti të fuqishëm të stafit të kësaj Ministrie.

“Miqtë tanë, janë të gatshëm të na ofrojnë ndihmën e tyre. Ndërsa, saffi im dhe unë do të bëjmë gjithë ç’është e mundur që të ofrojmë opcione të përshtatshme stimuluese për biznesin kosovar, gjithnjë duke siguruar qëndrueshmërinë afatgjate buxhetore dhe nritje të zhvillimit ekonomik. Besoj në përkrahjen dhe lidershipin e Kryeministrit Thaçi dhe kolegëve të mi në Qeverinë e Kosovë, për reformat e ardhshme”, ka thënë ministri Shala në fund të këtij takimi.