Thesari - Hyrje

Departamenti i Thesarit është themeluar me 06.03 2000 në kuadër të autoritetit Qendror Fiskal. Kurse pas formimit të Ministrisë së Ekonomisë dhe Financave ka kaluar në kompetenca të kësaj ministrie.

Udhëheqësia dhe përgjegjësitë kryesore të departamentit të Thesarit janë paraqitur në Ligjin për menaxhimin e financave publike dhe përgjegjësitë. Këto përgjegjësi përfshijnë:
- Menaxhimin e fondit të konsoliduar të Kosovës,
- Menaxhimin e llogarive bankare,
- Menaxhimin e shpenzimit të fondeve,
- Vendosjen e proceseve të mbledhjes së parave publike,
- Themelimin dhe mirëmbajtjen e regjistrave kontabël,
- Përgatitjen e llogarive financiare, dhe
- Mirëmbajtjen e Rregullave financiare.

Vizioni i përgjithshëm i departamentit të Thesarit është të arrihet praktika më e mirë në menaxhimin e fondeve publike nga ana e qeverisë së Kosovës.

Struktura

Thesari në strukturën e vetë ka këto njësi:

- Sektori i të Hyrave
- Sektori i Shpenzimeve
- Sektori i Politikave të Menaxhimit Financiar
- Sektori i Informatave Financiare dhe Raportimit
- Sektori i Menaxhimit të Parasë së Gatshme dhe Kontabilitetit
- Sektori i Administratës së Thesarit

Kliko këtu për të parë organogramin e Thesarit

Baza Ligjore

Baza Ligjore nën të cilën vepron Thesari është përshkruar në Ligjin për Menaxhimin e Financave Publike she Përgjegjësitë - Nr. 2003/2. Më detajisht nën nenin numër 3 – Thesari :

3.1 Thesari do të krijohet brenda Ministrisë për Ekonomi dhe Financa, dhe është
përgjegjës për menaxhimin e Fondit të Konsoliduar të Kosovës si dhe për ushtrimin e të gjitha
përgjegjësive që i janë caktuar në bazë të këtij ligji.

3.2 Thesarit do të udhëhiqet nga Drejtori, i cili emërohet nga PSSP-ja me këshillën dhe
lejen e Ministrisë për Ekonomi dhe Financa. PSSP-ja mund që të shkarkojë Drejtorin përkatës
me këshillën dhe lejen e Ministrit të Ekonomisë dhe Financave në çdo kohë, duke - apo pa - e
deklaruar arsyen për një shkarkim të tillë.

3.3 Drejtori i Thesarit do të asistohet nga Zëvendës drejtori, i cili emërohet nga Ministri i
Ekonomisë dhe Financave me këshillën dhe lejen e Qeverisë. Ministri i Ekonomisë dhe
Financave mund të shkarkojë Zëvendës drejtorin përkatës në çdo kohë me këshillën dhe lejen
e Qeverisë, duke - apo pa - e deklaruar arsyen për një shkarkim të tillë.

3.4 Drejtori dhe Zëvendës drejtori i Thesarit janë të obliguar që të raportojnë para PSSP-së,
Qeverisë dhe Ministrit të Ekonomisë dhe Financave mbi të gjitha çështjet që kanë të bëjnë
me veprimtarinë e Thesarit dhe implementimin e Buxhetit të Konsolidur të Kosovës.

3.5 Nëse Thesarit synon që të ndërmarrë masa apo që të nxjerrë një vendim mbi një
çështje me rëndësi domethënëse, masa apo vendimi i tillë duhet që paraprakisht të miratohet
apo lejohet me shkrim nga Drejtori dhe Zëvendës drejtori. (Fraza “një masë apo vendim me
rëndësi domethënëse” sipas kuptimit të këtij paragrafi nënkupton një masë apo vendim që ka
të bëjë me (i) hartimin apo ndryshimin e procedurave administrative, (ii) transparencën apo
mbikqyrjen e përdorimit të fondeve të donatorëve, (iii) marrëdhënjen ndërmjet thesareve
qëndrore dhe lokale, apo (iiii) çfarëdo çështje tjetër që klasifikohet si çështje më rëndësi
domethënëse nga PSSP-ja, Qeveria apo Ministri i Ekonomisë dhe Financave.)

Kontakt:

Luljeta Muqolli - Assistente e Drejtorit

038 200 34....