Komunikatë për media

Prishtinë,më : 24 gusht 2007

Ministria e Ekonomisë dhe Financave – Departamenti i Thesarit publikon raportin e përkohshëm të buxhetit për të hyrat dhe shpenzimet për gjashtmujorin e parë të vitit 2007.

Duke u bazuar në Ligjin për menaxhimin e financave publike dhe të përgjegjësive, ministri i Ministrisë së Ekonomisë dhe Financave është i obliguar që të përgatisë raportet tremujore që mbulojnë vitin fiskal për çdo çerek të viti të përfunduar, t’i paraqes e Qeverisë dhe Qeveria t’i shqyrtojë këto raporte.
Duke u bazuar në raportin e gjashtëmujorit të parë për vitin fiskal 2007, të hyrat dhe shpenzimet paraqiten si më poshtë :

Pranimet ( të hyrat)

 Të hyrat e grumbulluara gjatë gjashtëmujorit të vitit 2007 janë 446.76 milionë euro dhe paraqesin 65.4 % të planit vjetor që do të thotë se kemi një performancë të mirë të grumbullimit të të hyrave.

Plani buxhetor Te hyrat Progresi
Gjithsej të hyrat buxhetore 682.80 446.76 65.4%

Tatimet kufitare-Dogana 437.80 235.93 53.9%
Tatimet vendore-Admin.Tatimore 140.20 80.47 57.4%
Të hyrat jo tatimore- niveli qendror 40.80 29.57 72.5%
Të hyrat vetanake-niveli qendror 11.00 12.23 111.2%
Të hyrat vetanake- komunat 28.00 13.55 48.4%
Zgjerimet e politikave të të hyrave 25.00 75.00 0.0%


• Pjesa më e madhe e të hyrave buxhetore janë mbledhur në kufi, këto të hyra janë në shumë prej 235.93 milionë euro apo 53.9% te planit vjetor për këtë kategori.
• Të hyrat nga Administrata Tatimore janë në shumë prej 80.47 milionë euro apo 57.4% te planit vjetor për këtë kategori.
• Të hyrat jo tatimore janë në shumë prej 29.57 milionë euro qe paraqet 72.5% të planit buxhetor për këtë kategori, por duhet cekur se në kuadër të kësaj kategorie bëjnë pjesë edhe të hyrat nga gjobat të cilat mblidhen nga komunat, por regjistrohen si të hyra jo tatimore, pastaj bëhet alokimi për komunat.
• Të hyrat vetanake të nivelit qendror janë në shumë prej 12.23 milionë euro apo 111.2% te planit vjetor për këtë kategori.
• Të hyrat vetanake komunale janë në shumë prej 13.55 milionë euro dhe paraqesin 48.4% te planit vjetor për këtë kategori të të hyrave.
• Zgjerimi i politikave të të hyrave apo të hyrat nga licenca për telekomunikacion janë pranuar të hyra në shumë prej 75.00 milionë euro.


Pagesat (shpenzimet)

 Ndarjet buxhetore janë në shumen 746.57 milionë euro dhe nga kjo ndarje gjatë periudhës gjashtëmujore janë shpenzuar 276.57 milionë euro, që paraqet 37.0 % të ndarjeve të tërësishme vjetore, që është nën nivel të planit buxhetor, kurse në krahasim me periudhën e njejtë të vitit 2006 janë më te larta për 9.9 %.

Emertimi Buxheti-SIMFK Realizimi janar-qershor 2006 Realizimi janar-qershor 2007 Progresi ndaj buxhetit % Progresi ndaj realizimit 2006 %
Të dlat 746.57 251.68 276.57 37.0 9.9
Pagat dhe mëditjet 209.61 99.01 102.28 48.8 3.3
Mallrat dhe shërbimet 141.37 51.41 49.03 34.7 -4.6
Sërbimet komunale 18.64 8.30 8.99 48.2 8.3
Sub.dhe transferet 155.63 69.53 77.93 50.1 12.1
Rezervat 7.66 - - - -
Shpenzime kapitale 213.66 23.43 38.34 17.9 63.6


 Ndarjet buxhetore për kategorin ekonomike të pagave dhe meditjeve janë 209.61 milionë euro e që në periudhen gjashtëmujore 2007 janë shpenzuar 102.28 milionë euro apo 48.8% te planifikimit vjetor për këtë kategori dhe nese e krahasojmë me periudhën e njëjtë të vitit 2006 këtë vit janë më të larta për 3.3%.
 Për kategorin e mallërave dhe shërbimeve janë ndarë 141.37 milionë euro e që janë shpenzuar 49.03 milionë euro apo 34.7% të ndarjeve të përgjithshme vjetore për këtë kategori ekonomike, po ashtu janë më të ulëta se periudha e njëjtë e vitit 2006 për 4.6%.
 Për shpenzimet komunale janë ndarë 18.64 milionë euro dhe në periudhen gjashtëmujore janë shpenzuar 8.99 milionë euro apo 48.2% te planit vjetor për këtë kategori, ndërsa këto shpenzime janë më të larta për 8.3% se në periudhën të njëjtë e vitit 2006, e cila nënkupton se është përmirësuar shlyerja e obligimeve për shërbimet komunale.
 Ndarjet buxhetore për kategorin e subvencioneve dhe transfereve janë 155.63 milionë euro, nga kjo shumë në periudhen gjashtëmujore janë shpenzuar 77.93 milionë euro apo 50.1% e planit vjetor, krahasuar me vitin 2006 janë më të larta për 12.1% këtë vit.
 Për shpenzimet kapitale këtë vit janë ndarë 213.66 milionë euro dhe gjatë kësaj periudhe janë shpenzuar 38.34 milionë euro apo 17.9% të planit vjetor që është më e ulët se mesatarja e planifikimit për këtë periudhë, por nëse e krahasojmë me periudhën e njëjtë të vitit 2006 në këtë vit këto shpenzime janë më të larta për 63.6%.


I bashkangjitur është raporti për gjashtmujorin e parë të vitit 2007 në të tri gjuhët.

Raporti i përkohshëm i gjashtëmujorit 2007

Zyra për Informim
Ministria për Ekonomi dhe Financa