Komunikatë për Media

Prishtinë/ 15.01.2008
 

Ministri i Ekonomisë dhe Financave z. Ahmet Shala  ka pritur në vizitë Përfaqësuesin nga  Zyra e Bankës Botërore  në Prishtinë , z. Bruce Courtney.

Në këtë takim diskutuan për bashkëpunimin në mes të Ministrisë për Ekonomi dhe Financa dhe Bankës Botërore .

Ministri për Ekonomi dhe Financa z.Ahmet Shala tha se”z. Brus bashkë me ekipin e vetë na ofruan përkrahjen e Bankës Botërore, institucioni  ky shumë i rëndësishëm jo vetëm për Kosovën, por edhe për regjionin, me të cilin biseduam për projektet e ardhshme që e presin Kosovën si dhe për mënyrat e ngritjes së bashkëpunimit  sa më efikas në mes këtyre dy institucioneve”.

Në vazhdim Ministri Shala u shpreh se”“Ju e dini që shumë sfida do të na presin në të ardhmen dhe është me rëndësi që së bashku me institucionet donatore dhe miqtë tanë ta koordinojmë çdo hap apo çdo veprim të mirë , i cili na shërben  në të mirë të ruajtjes dhe stabilitetit fiskal dhe buxhetor, por edhe të sforcimeve të kapaciteteve investuese në Kosovë në të ardhmen me këtë institucion dhe institucionet e tjera”.

“Kam besim të plotë që së bashku do t’ia dalim që t’i realizojmë synimet tona, ngase për këtë ekziston vullneti, besimi, përvoja reciproke, individuale dhe institucionale”, ka theksuar Ministri  Shala.

Në fund të takimit z. Bruce Courtney ,përfaqësues i Zyres të Bankës botërore në Prishtinë , tha se “E falënderoj ministrin Shala që na e bëri këtë pritje, dhe ne jemi shumë të kënaqur që sot jemi këtu, që jemi mirëpritur nga qeveria e re. Ky ka qenë takimi jonë i parë hyrës, dhe shpresoj se do të kemi edhe shumë takime të tjera, duke vazhduar të kemi rolin tonë si një prej partnerëve kyç për ta zhvilluar Kosovën”.