Komunikatë  për Media

Shpërndarja e faturave të tatimit në pronë është duke vijuar

20 Mars, Prishtinë – Faturat e tatimit në pronë për vitin 2007 janë duke u shpërndarë për të gjitha patundshmëritë e tatueshme në Kosovë. Kjo përfshinë të gjitha pronat rezidenciale, komerciale, industriale dhe bujqësore si dhe pronat e papërfunduara.

Komunave u kërkohet të shpërndajnë faturat e tatimit në pronë deri më 31 Mars.

Pagesa bëhet në dy këste, afati i pagesës së parë është deri më 30 qershor ndërsa i këstit të dytë është deri më 31 dhjetor.

Nëse ju nuk e merrni faturën tatimore, ju duhet ta njoftoni zyrën e tatimit në pronë sa më shpejtë që të jetë e mundur për tu siguruar që pagesa të bëhet para skadimit të afatit. Pagesat e vonuara i nënshtrohen kamatës dhe ndëshkimit.

Tatimi në pronë në mënyrë të konsiderueshme kompenson diferencën ndërmjet nevojave të komunës për shpenzime dhe shumës së parave që qeveria qendrore është në gjendje të ofroj. Çdo Euro që komuna arkëton nga tatimi në pronë mbetet brenda komunës për të ofruar përmirësime të infrastrukturës dhe shërbimeve ndaj komunitetit.

Faturat e tatimit në pronë janë të ulëta me çka i mundëson çdokujt të kontribuoj në financat e komunitetit të tyre. Fatura mesatare e tatimit në pronë për objektet rezidenciale është 19 € në vit ndërsa fatura mesatare vjetore për objektet komerciale është 66 €. Pasi që tatimi në pronë nuk është ndonjë ngarkesë e madhe për qytetarët mesatar, atëherë nuk është asnjë arsyetim për mos pagesën e faturës tatimore.

Prej fillimit të implementimit në vitin 2002 të hyrat nga tatimi në pronë janë rritur vazhdimisht. Në vitin 2006, nga tatimi në pronë janë arkëtuar gjithsejtë € 7,635,634. Kjo paraqet një rritje prej 14% në krahasim me vitin 2005. Me qëllim të plotësimit të nevojave gjithnjë e më të mëdha të komuniteteve, nga komunat kërkohet që të shtojnë përpjekjet e tyre në fushën e arkëtimit për vitin 2007 për të siguruar një pagesë më të lartë të tatimit në pronë