Komunikatë për Media

Ministri i Ekonomisë dhe Financave, z. Ahmet Shala priti në vizitë i dërguari special i Bashkimit Evropian në Kosovë , z.Piter Faith

Ministri i Ekonomisë dhe Financave, z. Ahmet Shala priti në vizitë i dërguari special i Bashkimit Evropian në Kosovë , z.Piter Faith

Gjatë takimit që pati Ministri  për Ekonomi dhe Financa, z. Ahmet Shala me të dërguarin special të Bashkimit Evropian në Kosovë, z.Piter Faith janë pajtuar që të bashkëpunojnë për të realizuar projektet ekonomike në Kosovë .

“Kisha nderin që  pata për vizitë kurtuazie dhe pune, të dërguarin special të Bashkimit Evropian, z. Piter Faith, me të cilin ndër të tjera  biseduam edhe për funksionimin e institucioneve të Kosovës, me theks të veçantë Administratën Tatimore dhe Doganat për një funksionim sa më të mirë në tërë teritorin e Kosovës, bashkëpunimin dhe koordinimin me institucionet ndërkombëtare lidhur me  projektet e përbashkëta për integrimin evropian, si dhe për  transferimin e kompetencave nga fuqitë e rezervuara tek institucionet e Kosovës. Ne gjithashtu biseduam edhe për koordinimin dhe përgatitjen sa më të mirë të konferencës së donatorëve” tha Ministri Shala .

Ndërsa,  i dërguari special i Bashkimit Evropian në Kosovë, z. Piter Faith, u shpreh: “Ne do të përkrahim institucionet e Kosovës për zhvillimin e një ekonomie multi etnike. Gjithashtu  ne do të mbështesim në përgatitjen për mbajtjen e konferencës së donatorëve” .

Në vazhdim, z. Faith pohoi se” Bashkimi Evropian  do të ndihmoj edhe në përkrahjen e institucioneve për të ndihmuar pjesën veriore të Kosovës për ta zhvilluar ekonomikisht “ .

Në këtë takim u diskutuan edhe shumë çështje të tjera, e ndër ato edhe për krijimin e kushteve sa më të mira për të gjithë qytetarët  të Kosovës, pa dallim komuniteti, feje apo gjinie .