Komunikatë për Media

Faturat e tatimit në pronë për vitin 2008 janë  gati për shpërndarje

Prishtinë – 17 mars 2008

Shpërndarja e faturave të tatimit në pronë  për vitin 2008 do të fillojë së shpejti. Mirëpo, në këtë vit shpërndarja e faturave do të bëhet ndryshe nga herët e tjera. Printimi dhe shpërndarja e tyre do të bëhet përmes Post Telekomi të Kosovës (PTK-ja). Me këtë mënyrë racionale të shpërndarjes së faturave, buxheti i komunave të Kosovës do të kursej 85.121 mijë euro .Kjo është një mundësi për qytetarët e  Republikës së Kosovës, që të njoftohen  sa më shpejtë për obligimet e tyre.

Në përgjithësi për të gjitha komunat, të cilat e  kanë implementuar tatimin në pronë dhe mbledhin të hyra nga ky lloj i tatimi, do të lëshohen 377,981 fatura tatimore, vlera e përgjithshme e të cilave është  € 15,698,343.

Të gjitha të të hyrat që i paguajnë qytetarët e Kosovës për tatimin në pronë shfrytëzohen për përmirësimin e shërbimeve komunale dhe zhvillimin e infrastrukturës, siç janë: rrugët , shkollat, qendrat rekreative, kulturore dhe sportive, parqet etj.

Kërkesat e qytetarëve të Kosovës do të realizohen shumë më mirë dhe më shpejtë në qoftë se në komunat ku ata jetojnë do të kenë rritje të të hyrave nga tatimi në pronë dhe taksat tjera komunale.

Bashkëpunimi i qytetarëve me organet komunale është  shumë i domosdoshëm, ky bashkëpunim ndikon në ngritjen e përgjegjshmërisë e  përfaqësuesve komunal  që kanë ndaj qytetarëve të tyre. Në të njëjtën kohë komunat e Kosovës do të bëhen më të pavarura nga buxheti qendror .

Me respekt nga :

Zyra për Informim – Ministria e Ekonomisë dhe Financave

Tel: 038 / 200 34 171

       038 / 200 34 339