Komunikatë për Media

Vizita e departamentit të Thesarit në Slloveni

Integrimi i parave dhe menaxhimi i borxheve

Prej datës 29 janar deri 02 shkurt 2007 një delegacion nga Ministria e Ekonomisë dhe Financave - Departamenti i Thesarit në Kosovë,  i përbërë nga 7  anëtar dhe  të kryesuar nga drejtori i dep. Thesarit z. Lulzim Ismajli , e vizituan Departamentin e Thesarit në Slloveni, si dhe morën pjesë në një trajnim tre ditor në Qendrën e Financave të Shkëlqyera (CEF) me temë: “ Integrimi i parave dhe menaxhimi i borxheve”, financuar nga USAID-i.

Trajnimi: “ Integrimi i parave dhe menaxhimi i borxheve” kryesisht është fokusuar në:

·        Përcaktimin e strukturës moderne për menaxhimin e të hollave dhe borxhit,

·        Përmirësimin e planifikimit të kapacitetit për të hollat rrjedhëse,

·        Integrimin e nevojave për menaxhimin e të hollave me anë të implementimit të marrjes së vendimeve rreth menaxhimit strategjik të borxhit,

·        Të ju mundësohet menaxherëve financiar të Qeverisë që t’i përmbushin  obligimet të cilat i kanë, ose thënë ndryshe të planifikojnë fondin dhe shpenzimet e tyre për një periudhë më afatgjatë, 

·        Të përmirësohet efikasiteti në menaxhimin e bilancit të të hollave likuide, 

·        Të krijohen instrumente afat-shkurtra për qëllim të menaxhimit të të hollave dhe të ndihmohet në zhvillimin e sigurt të tregut vendor të letrave me vlerë,

·        Roli dhe ndihma e sistemit të IT-së në integrimin e të hollave dhe menaxhimin e borxhit.

Gjatë vizitës në Departamentin e Thesarit të Sllovenisë, ata u pritën nga z. Andrej Matija Klemençiç, znj. Martina Shushtar, znj. Lidija Peçenik, z.Boshtjan Pleshec dhe znj. Natasha Jurkoviç.  Gjatë kësaj vizite, ekipi i Thesarit pati mundësinë të shoh mënyrat dhe sistemet e tyre të punës, në fushën e menaxhimit të parasë së gatshme dhe menaxhimit të borxheve.

Vizita e ekipit të Thesarit në Slloveni përfundoi me shprehje të kënaqësisë nga të dyja palët për shkëmbim përvojash dhe u vendos që edhe në të ardhmen të vazhdohet bashkëpunimi.