Komunikatë për Media

Prishtinë/ 15.01.2008
 

Ministri i Ekonomisë dhe Financave z. Ahmet Shala  ka pritur në vizitë Shefen e Zyrës amerikane në Prishtinë, znj.Tina Kaidanov .

 Ministri Shala, falënderoj Shefen e Zyrës amerikane  znj. Kaidanov për mbështetjen e Shteteve të Bashkuara të Amerikës ,për të gjitha projektet që pasluftës dhe projektet në vazhdimësi .

Gjatë këtij takimi Ministri Shala dhe Ambasadorja znj. Kaidanov biseduan për projektet e deritashme dhe vazhdimin e bashkëpunimit të suksesshëm ,siç kanë qenë gjithë herë për të mirën e popullit të Kosovës, për të mirën regjionit dhe për perspektiven e sigurte të Kosovës në projektet afatmesme dhe afatgjatë.

“Diskutuam për problemet që Kosova ballafaqohet tani, siç ishte rryma dhe projekte tjera  të cilat kanë implikime buxhetore. Ne u zotuam që bashkërisht si miq ,si institucione të Kosovës dhe me përkrahjen e popullit të Kosovës dhe institucioneve tjera  donatore, do të arrijmë që ti përmbushim obligimet të cilat rrjedhin nga funksioni i kësaj Ministrie” tha Ministri Shala.

Në këtë takim u diskutua edhe për përgatitjen e Konferencës së Donatorëve dhe takimeve tjera me institucionet e rëndësishme ndërkombëtare dhe për këtë Ministri Shala siguroi Shefen e Zyrës amerikane se “Qeveria në krye me kryeministrin Thaçi  do të jetë në gjendje ti absorboj kërkesat,dhe sfidat të cilat do të paraqiten në të ardhmen”.

Gjithashtu znj.Kaidanov e siguroi ministrin Shala për mbështetjen e SHBA-së për Institucionet kosovare  “Qeveria amerikane do të vazhdojë ta mbështesë shumë fuqishëm Kosovën . Unë dhe Ministri kemi diskutuar për disa sfida shumë serioze që ballafaqohet Kosova, por mendoj se ekziston vullneti ,inteligjenca dhe kreativiteti që  të merremi me zgjidhjen e këtyre problemeve. Dhe sigurisht ne jemi këtu për të ju ndihmuar”.

Në fund të takimit ata biseduan edhe për krijimin e kushteve sa më të mira për qytetarët Kosovës , e në veçanti të komuniteteve etnike.

“Biseduam për krijimin e një Kosove moderne me të cilën të gjithë qytetarët e saj, do të ndjehen se e kanë vendin e vetë ,se është atdheu i tyre ,se do të jetë shteti i tyre i cili ju siguron atyre jetë më të mirë, siguri më të fortë dhe ndjenjë se populli shumicë i Kosovës do të jetë  në gjendje ti përkrah  me sinqeritet dhe me vullnet projektet të cilat shkojnë në këtë drejtim. Besoj se  edhe ndihma e Shteteve të Bashkuara të Amerikës nuk do të mungojë në këtë drejtim,siç nuk ka munguar deri më tani”.tha Ministri Shala

Shefja e Zyrës amerikanë znj.Tina Kaidanov duke çmuar lartë mirëkuptimin e Ministrit Shala në fund të takimit u shpreh se”“Dua që ti theksoj  ato fjalë që i tha Ministri për përgjegjësinë që ka ndaj gjithë qytetarëve të Kosovës, posaçërisht ndaj gjitha komuniteteve etnike . Ai ka treguar një përgjegjësi të lartë në këtë drejtim sikur se edhe gjithë ministrat e tjerë .Dhe unë e çmoj lartë këtë”.