Njësia për të drejtat e njeriut 

 Mandati

Detyrat kryesore të Njësisë për të Drejtat e Njeriut janë:

 Zhvillimi, avancimi, promovimi dhe mbrojta e të drejtave të njeriut në Ministri të Ekonomisë dhe Financave si dhe për të gjithë shfrytëzuesit e shërbimeve që sigurohen nga kjo ministri në pajtueshmëri me legjislacionin vendor, Evropian dhe ndërkombëtar për të drejtat e njeriut;

 Planifikimi dhe hartimi i planit të veprimit të Njësisë për të Drejtat e Njeriut, sipas nenit 7 të Udhëzimit Administrativ nr.08/2005 lidhur me përshkrimin e detyrave të Njësisë për të Drejtat e Njeriut;

 Përfaqësimi,planifikimi, krijimi dhe implementimi i strategjive, politikave dhe udhëzimeve në fushën e të drejtave të njeriut;

 Të bashkëpunojë me Institucionin e Ombidspersonit në Kosovë(IOK), dhe mbikëqyrë zbatimin e rekomandimeve të Ombudspersonit në ministri;

 Të hartojë të dhëna të Ministrisë së Ekonomisë dhe Financave për raportim në organet e traktateve për të drejtat e njeriut dhe mekanizma tjerë si dhe përgjigja ndaj rekomandimeve që dalin nga to;

 Të bëjë adresimin e nevojave për ndërtim të kapaciteteve për anëtarët e njësisë duke siguruar rekomandime për personelin e ministrisë, të bashkëpunojë me shoqërinë civile, dhe t’i raportojë Zyrës Këshillëdhënëse për Qeverisje të Mirë, të Drejta të Njeriut, Mundësi të Barabarta dhe çështje Gjinore në kuadër të Zyrës së Kryeministrit.




Baza Ligjore

Njësia për Drejta të Njeriut në Ministrinë e Ekonomisë dhe Financave është themeluar përmes një Udhëzimi Administrativ nr.8/2005, dhe vendimi të Kryeministrit nr.055 I datës 15 gusht 2005 për Themelimin e Njësisë për të Drejtat e Njeriut nëpër Ministri; dhe Udhëzimit Administrativ nr.04/2007, i cili synon integrimin e Njësive për të Drejtat e Njeriut nëpër ministri.


Objektivat e njësisë për të drejtat e njeriut

Objektivat kryesore të Njësisë për të Drejtat e Njeriut në ministri janë :

 Të promovojë dhe mbrojë të drejtat e njeriut duke siguruar që funksionet ekzekutive të ministrisë të jenë në përputhshmëri me legjislacionin vendor, Evropian dhe ndërkombëtar për të drejtat e njeriut.

 Të qëndrojë e pavarur dhe autonome gjatë raportimit të drejtpërdrejt te Sekretari Permanent, Njësia për të Drejtat e Njeriut është e përfshirë në organogramin dhe buxhetin e ministrisë, gjë që siguron pagat për zyrtarët dhe për financimin e veprimtarive sipas planit të punës.

 Të bashkëpunojë me bashkëbiseduesit e ndryshëm lidhur me çështjet e të drejtave të njeriut, përfshirë këtu edhe Zyrën e Kryeministrit, ministrin, ministritë tjera, grupet punuese ndërministrore dhe shoqërinë civile.

 Të shkëmbejë informata Brenda ministrisë dhe me ministritë tjera nën mbikëqyrjen dhe koordinimin e Zyrës Këshillëdhënëse për Qeverisje të Mirë, të Drejta të Njeriut, Mundësi të Barabarta dhe çështje Gjinore në kuadër të Zyrës së Kryeministrit.


Konventat për të drejtat e njeriut të aplikueshme në Kosovë

 Deklarata Universale për të Drejtat e Njeriut;

 Konventa Evropiane për Mbrojtjen e të Drejtave dhe Lirive Themelore të Njeriut dhe Protokollet e saj;

 Pakti Ndërkombëtar për të drejtat Civile dhe Politike dhe Protokollet e tij;

 Pakti Ndërkombëtar për të Drejtat Sociale dhe Kulturore;

 Konventa për Eliminimin e të Gjitha Formave të Diskriminimit Racor;

 Konventa për Eliminimin e të Gjitha Formave të Diskriminimit kundër Femrës;

 Konventa për të Drejtat e Fëmijës;

 Konventa kundër Torturës dhe Trajtimit apo Dënimit Mizor Çnjerëzor dhe Poshtërues;

 Karta Evropiane për Gjuhë Rajonale ose të Pakicave;

 Konventa Kornizë për Mbrojtjen e Pakicave Kombëtare e Këshillit të Evropës.


Çka ofron njësia për të drejtat e njeriut?

Të Drejtat e Njeriut janë të drejta apo liri themelore në të cilat ka të drejtë çdo qenie njerëzore. E drejta ndërkombëtare për të drejtat e njeriut obligon qeveritë që të respektojnë, mbrojnë dhe promovojnë të drejta e njeriut dhe liritë themelore të individëve dhe grupeve.

Të gjitha të drejtat e njeriut janë:
- Universale në kuptimin që të gjitha qeniet njerëzore kanë të drejtë që në
mënyrë të barabartë të gëzojnë të drejtat e tyre të njeriut;
- Të patjetërsueshme, që do të thotë se nuk mund të ketë ndërhyrje në gëzimin e
të drejtave të njeriut nga asnjë qeveri;
- Të ndërvarura dhe të pandashme, asnjë e drejtë nuk mund të konsiderohet më e
rëndësishme se tjetra.

Njësia për të drejtat e njeriut kryesisht adreson:
- Mundësitë e barabarta dhe luftën kundër diskriminimit,
- Barazinë gjinore,
- Të drejtat e fëmijëve,
- Të drejtat e pakicave (komuniteteve ),
- Të drejtat e personave me aftësi të kufizuara, dhe
- Luftën kundër trafikimit me qenie njerëzore.

 Ofron rekomandime dhe këshilla për sekretarin e përhershëm në ministri, lidhur me zbatimin e legjislacionit vendor, Evropian dhe ndërkombëtar për të drejta e njeriut.

 Angazhohet në sensibilizimin e personelit të ministrisë lidhur me zbatimin e legjislacionit vendor, Evropian dhe ndërkombëtar për të drejtat e njeriut.

 Pranon ankesa nga stafi i ministrisë dhe publiku lidhur me supozimet që veprimet apo vendimet e Ministrisë nuk janë në pajtueshmëri me të drejtat e njeriut dhe mund të ofrojë rekomandime për zgjidhjen e tyre.

 Shpërndan informata lidhur me aktivitetet specifike të ndërmarra nga Ministria lidhur me të drejtat e njeriut.



Si të na kontaktoni?

Njësia për të Drejtat e Njeriut gjendet në Ministrinë e Ekonomisë dhe Financave

Adresa:
Rruga Nëna Terezë
Ndërtesa e re e Qeverisë
Kati XII, zyra nr.1209
10000 Prishtinë.

Telefoni:

+381(0) 38/200 34-308
+381(0) 38/200 34-307
+381(0) 38/200 34-139

Faksi:
+381(0) 38/213-143