Komunikatë për Media

Ministri i Ekonomisë dhe Financave, z. Ahmet Shala priti në vizitë Shefin e Zyrës Maqedone, z. Stojan Karajanov

Prishtinë, 30. 01. 2008

Thellimi i bashkëpunimit në mes Kosovës dhe Maqedonisë, e në theks të veçantë bashkëpunimi në mes Ministrisë së Ekonomisë dhe Financave të Kosovës dhe Ministrisë së Financave të Maqedonisë ,ishin ndër temat kryesore që u diskutuan sot në takimin në mes Ministrit Ahmet Shala dhe Shefit të Zyrës Maqedone në Prishtinë, z.Stojan Karajanov .

Në këtë takim u bisedua edhe rreth bllokadës eventuale nga Serbia, për të cilën çështje Shefi i Zyrës Maqedone, z. Karajanov u shpreh: “Do të angazhohemi që gjatë bllokadës eventuale të mos krijojmë pengesa sa i përket hyrjes së mallrave , përmes kufirit Maqedoni- Kosovë. Kjo do të ndodhë duke i eliminuar procedurat e transportit dhe kalimit kufitar mes Maqedonisë dhe Kosovës”.

Ndërsa Ministri i Ekonomisë dhe Financave, z. Ahmet Shala duke vlerësuar lartë  gatishmërinë e shtetit maqedonas për bashkëpunim të ndërsjellët sidomos në rast të bllokadës eventuale nga Serbia tha ” Populli i Kosovës dhe i Maqedonisë kanë dhënë sprova historike se bashkërisht mund të tejkalojnë edhe “bllokada”  më të rënda” .

Gjatë këtij takimi u diskutua edhe  për Marrëveshjen e kthimit të tatimit të dyfishtë, Marrëveshjen për  garancinë e investimeve, shtimin e pikave doganore në mënyrë që popullata të lëvizë lirshëm në mes dy vendeve edhe shumë çështje të tjera.

Në fund të takimit Ministri Ahmet Shala dhe Shefi i Zyrës Maqedone, z. Stojan Karajanov , u pajtuan për organizimin e një vizite të shpejtë nga Ministri Ahmet Shala homologut të tij z.Trajko Slaveski.

Me respekt nga :

Zyra për Informim – Ministria e Ekonomisë dhe Financave