Komunikatë për Media

Takimi i Ministrit të Ekonomisë dhe Financave, z. Ahmet Shala, me Kryetarin e Odës Ekonomike të Kosovës, z. Besim Beqaj, Drejtoreshën Ekzekutive të Odës Amerikane në Kosovë, znj. Mimoza Kusari-Lila dhe Kryetarin e Aleancës Kosovare të Bizneseve, z. Agim Shahini 

Takimi u zhvillua në një atmosfere të mirëkuptimit të plotë, për krijimin e kushteve shumë të mira për Biznesin kosovar, rritjen e aftësive të tyre konkurruese dhe natyrisht duke respektuar qëndrueshmërinë makroekonomike fiskale

Prishtinë, 28. 01. 2008

Ministri i Ekonomisë dhe Financave, z. Ahmet Shala,  ka pritur për vizitë Kryetarin e Odës Ekonomike të Kosovës, z. Besim Beqaj, Drejtoreshën Ekzekutive të Odës Amerikane në Kosovë, znj. Mimoza Kusari-Lila dhe Kryetarin e Aleancës Kosovare të Bizneseve, z. Agim Shahini 

Në këtë takim  me përfaqësuesit të bizneseve u diskutua për bashkëpunimin midis Ministrisë së Ekonomisë dhe bizneseve në Kosovë

“Buzëqeshja e gjithë neve që përfaqësojmë këto Institucione të rëndësishme,pra biznesit dhe qeverisë tregon që ekziston një disponim i shkëlqyeshëm që të bashkëpunojmë dhe të bashkërendojmë veprimet për masat e nevojshme që Qeveria e Kosovës do ti ndërmerr karshi kërkesave të Biznesit ,gjithnjë për të bërë një ambient më të qëndrueshëm për biznesin kosovar dhe më konkurrues në rajon . Ky është vetëm fillimi i një dialogu   që do ta zhvillojmë në mënyra shumë konkrete dhe shumë qarta në ditë dhe muajt e ardhshëm , gjithmonë duke respektuar edhe qëndrueshmërinë makroekonomike të Kosovës “.

Ndërsa Kryetari i OEK-ut, z. Besim Beqaj u shpreh se “Në kemi biseduar për aspektet e bashkëpunimit në baza parimore , do të thotë për kërkesat që vijnë nga biznesi që të trajtohen. Ne i bëmë me dije Ministrit që Biznesi nuk do të kërkon zvogëlim të Buxhetit siç është komentuar në të kaluarën, ne kërkojmë qëndrueshmëri dhe përgjegjësi të mbledhjes së taksave por edhe përgjegjësi të shfrytëzimit të atyre taksave ”.

Përfaqësuesja e OAK-së, znj. Mimoza Kusari-Lila duke u dakorduar me fjalët e Ministri Shala dhe z. Beqaj tha se “Prej Ministrit është kërkua që Qeveria të jetë , edhe në masën ashtu edhe siç ka filluar , të jetë më e kujdesshme me shpenzimet publike që të ketë edhe një shtytje për bizneset për ti plotësua obligimet që i kanë ndaj qeverisë”.

Në këtë takim u bisedua edhe për çështjen e ndryshimit të politikave fiskale në Kosovë , për të cilën çështje Kryetari i Aleancës Kosovarë të Biznesit, z. Agim Shahini, u shpreh ”Unë shpresoj se ndryshimi i politikave fiskale ka hyrë në binar të vetë për tu reformuar ato politika që janë vizion i biznesit dhe investitorëve te Kosovës. Qeveria dhe biznesi duhet të jenë si një trup që të veprojnë në zhvillimin ekonomik të vendit. Ne si Aleancë e Biznesit kemi shprehë një gatishmëri edhe në të kaluarën, gjithashtu i dhamë mbështete Ministrit se do të jemi partnerë në zhvillimin ekonomik të Kosovës.

Të gjithë bashkëbiseduesit u pajtuan që bashkëpunimi të thellohet edhe në të ardhmen, në dobi të zhvillimit të mëtutjeshëm të Kosovës pas një analize të thukët dhe të përbashkët të arrijmë modele të qëndrueshme të politikës fiskale dhe reformës së administratës tatimore .