Komunikatë për Media

U bë përzgjedhja e kandidatëve nga shërbyesit civil për trajnimin e  kontabilitetit në sektorin publik

Prishtinë, 06. 02. 2008

Në zyrat e Ministrisë së Ekonomisë dhe Financave, sot u mbajt takimi me kandidatët më të suksesshëm që janë të selektuar për të mbajtur  trajnimin e kontabilitetit të sektorit publik.

Ky trajnim është program  i mbështetur nga Ministria e Ekonomisë dhe Financave në marrëveshje me bankën Botërore, ndërsa  partnerë implementues të këtij programi në Kosovë janë Shoqata e Kontabilistëve të çertifikuar dhe Auditorëve të Kosovës (SHKÇAK) dhe Centre of Excellence in Finance, me seli në Slloveni.

Diploma ndërkombëtare në kontabilitetin e sektorit publik është një titull profesional i ofruar nga bashkëpunimi në mes të Centre of Excellence in Finance, me seli në Slloveni dhe Institutit Britanik për Financa Publike dhe Kontabilitet (British Chartered Institute of Public Finance and Accountancy) me seli ne Angli.

 Shoqata e kontabilistëve të certifikuar dhe Auditorëve të Kosovës, si e vetmja Shoqatë profesionale në Kosovë, është emëruar nga Ministri për Ekonomi dhe Financa në Kosovë si institucion përgjegjës për implementimin e programit në bashkëpunim me të gjitha palët e ndërlidhura në këtë program. Parashihet që SHKÇAK pas përfundimit të grupit të parë të trajnimit, të vepron drejt vazhdimit dhe qëndrueshmërisë së këtij programi në afat të gjatë kohor.