BEDRI HAMZA

Zëvendësministër i  Ministrisë së Ekonomisë dhe Financave

                Është i lindur më 08.11.1963, në Klinë të Epërme të komunës së Skenderajt.

Jeton në Mitrovicë bashkë me gruan e tij znj.Remzie  dhe kanë tre fëmijë: Doruntinën, Diellzen dhe Ensarin.

Bedri Hamza  është emëruar Zëvendësministër për Ekonomi dhe Financa më 9 janar 2008. Në kapacitetin e tij si zëvendësministër  ndihmon Ministrin e Ekonomisë dhe Financave në hartimin e politikat ekonomike dhe fiskale në Kosovë, çështjet buxhetore dhe financiare  (Rregullorja  2001/19, shtojca II).

Para se të bëhej Zëvendësministër i Ekonomisë dhe Financave, z. Hamza ka qenë Shef i Departamentit për Ekonomi dhe Financa për Qeverisjen e Mirë në Partinë Demokratike të Kosovës. Ka qenë përgjegjës për përcjelljen e punës së Qeverisë së atëhershme dhe ka ofruar alternativa të ndryshme për problemet ekonomike në vend.

Në periudhën 1987 deri më 1990, z. Hamza ka punuar në KXMK “Trepça” në Mitrovicë, ka qenë Udhëheqës i Kontabilitetit dhe Financave në Metalurgjinë e Plumbit. Si dhe prej vitit 2000 deri në vitin 2003, ka qenë drejtor i Drejtorisë së Shërbimeve Publike në Kuvendin Komunal të Mitrovicës.

Gjatë viteve 1990 – 1998  ka punuar në biznesin privat.

Bedri Hamza  ka gjithashtu një karrierë të shquar politike. Vazhdon të jetë anëtar i Partisë Demokratike të Kosovës (PDK). Para se të emërohej në pozitën e zëvendësministrit të Ekonomisë dhe Financave, z. Hamza ka qenë nënkryetar i PDK-së –dega në Mitrovicë .

Bedri Hamza  ka ndjekur studimet në Universitetin e Prishtinës, u diplomua më 1987 në Fakultetin Ekonomik. Momentalisht është duke ndjekur studimet postdiplomike në Universitetin Internacional të Prishtinës (UIP), në fushën e kontabilitetit dhe financave